महत्त्वाचे

‘भरारी’ व ‘उडान’ गटाने कौतुकास्पद कृतिकार्यक्रम केलेत. या कृतिकार्यक्रमाला अजून पुढे नेण्याच्या दृष्टीने थोडंस सुचवत आहोत.

चिनी वस्तूंचा वापर बंद करताना खालील मुद्द्यांवरही अभ्यास होणे गरजेचे आहे –

१. चिनी वस्तू नेमक्या का बंद करायच्या?

२. आपल्या दैनंदिन जीवनात कुठल्या चिनी वस्तू वापरल्या जातात? त्यांना पर्यायी वस्तू काय असू शकतात?

३. आपण चिनी वस्तू बंद करण्याने नेमकं काय साधल्या जाईल आणि आपल्याला काय साधायचे आहे?

४. जागतिकीकरणाच्या युगात असं एका विशिष्ठ देशातल्या वस्तूंवर बहिष्कार टाकणं व्यवहार्य/ शक्य आहे का? जागतिकीकरण म्हणजे काय?

५. चिनी वस्तू बंद करताना स्वदेशी वस्तूंचा वापर का करावा यावरही अभ्यास होऊ शकतो.

६. ‘खादीचा वापर करावा’ असे गांधीजी का म्हणत यावरही अभ्यास होऊ शकतो.

७. सोबतच तेव्हाची आणि आत्ताची परिस्थिती कशी वेगळी आहे आणि त्यामुळे काय शक्य आणि काय अशक्य यावर चर्चा होऊ शकेल.

८. सगळ्यात महत्त्वाचे म्हणजे लोकात चालणारी चर्चा किंवा गावात वाटल्या जाणारे पोस्टर्स यावरच भरवसा न ठेवता या विषयामागची नेमकी सत्यता पडताळून बघता येईल.