Monday, 30 November 2015

मुलांच्या लेखणीतून

दिवाळीतील किल्लेबांधणीची धम्माल

दरवर्षी आमच्या शाळेतील विद्यार्थी दिवाळीत आपापल्या घरी किल्ले बनवतात. सर दरवर्षी ते किल्ले पाहायला जातात. पण ज्यांनी तो किल्ला बनवला आहे त्यांना त्याची माहिती सांगता येत नाही. त्यामुळे या वर्षी आम्ही असे ठरवले की आम्ही सुद्धा सरांसोबत किल्ले पाहायला जाणार आहोत आणि वेगवेगळ्या किल्ल्यांची माहिती सांगणार आहोत.

तेथील अनुभव: आम्ही तेथे लहान मुलांपासून ते मोठ्या मुलांपर्यंत म्हणजे प्राथमिक ते माध्यमिक च्या मुलांचे किल्ले पहिले व त्यांना त्यांनी बनवलेल्या किल्ल्यांची नावे विचारुन त्यांची माहिती सांगितली. तेव्हा आम्हाला विविध अनुभव आले. काही किल्ल्यांवर ठराविक स्थळांची नावे लिहली होती. व सूचना लिहल्या होत्या.

तेथील लोकांनी आम्हाला विचारले की “तुम्ही हि माहिती आम्हाला का सांगत आहात?” आम्ही सांगितले कि सर्व जण किल्ले बनवतात पण त्यांना त्या बद्दल माहिती नसते.          
                                                                 
    - सृजन गट, अलिबाग


दिवाळीचे नियोजन

प्रथम सत्र परीक्षा संपल्यानंतर बैठक घेण्याचे ठरले होते. त्या प्रमाणे जागृती गटाची बैठक झाली. परीक्षेचा ताण गेला व आता गावाकडे जाण्यास मिळणार म्हणून मुले आनंदी होती.

बैठकीत प्रथम बाळासाहेब व प्रसाद यांनी कुमार गीत गायन केले.फटाके मुक्त दिवाळी या विषयावर बैठकीत चर्चा झाली. दिवाळीनिमित्त फटाके न वाजवण्याचा व गावाकडील एक दोन मुलांनाही फटाके वाजवण्यापासून प्रवृत्त करण्याचा मुलांनी संकल्प केला. तसेच सुट्टी निमित्त

  • गरजूंना मदत
  • वृक्षारोपण
  • फटाक्यांच्या पैशातून गृहपयोगी वस्तू खरेदी करणे
  • अंधश्रद्धावर काम करणे
  • फटाके न वाजवणे
इत्यादी काम करण्याचे बैठकीत ठरले
जागृती गट, डोमरी
गट निमंत्रक – रज्जाक पठाण (९४२२७१२४४६)

फटाके व त्यांचे दुष्परिणाम

आम्ही जेथे किल्ले पाहायला गेलो तिथे आम्ही फटाके फोडल्याने नक्की काय होते? याबद्दल जनजागृती केली. फटाक्यांमुळे कोणते दुष्परिणाम होतात त्याबद्दल सांगितले.  फटाक्यांमुळे मोठ्या प्रमाणात वायू प्रदूषण होते, प्रचंड ध्वनी प्रदूषण होते, अपघाताने अनेकदा भाजते, आग लागते. 

वृद्ध, आजारी, परीक्षार्थी विद्यार्थी यांना त्रास होतो. फटाके बाल कामगार तैयार करतात. फटाके खरेदीतून या चुकीच्या प्रथेला मान्यता व स्थिरता येते. फटाके व शोभेची दारू उडवणे हे १००% चुकीचे आहे असे सांगितले. 

फटाके खरेदी करणे व उडवणे म्हणजे पैसे जाळणे किंवा पैशाचा धूर उडवणे असेच म्हणावे लागेल. आम्ही त्यांना असेही सांगितले की फटाके शोभेची दारू यांची खरेदी कमी करून त्याऐवजी त्या पैशातून छान छान खेळणी पुस्तके खरेदी करावी किंवा गरिबांना ते पैसे दान करावे.

सृजन गट, अलिबाग
गट निमंत्रक – सुनील पाटील (७८७५६८४२४३)

No comments:

Post a Comment